டெல்லியில் ஜெயலலிதா

டெல்லி: உள்நாட்டுப் பாதுகாப்பு நிலவரம் குறித்து விவாதிக்க டெல்லியில் முதல்வர்கள் மாநாடு இன்று நடைபெற்று வருகிறது. இம்மாநாட்டில் அனைத்து மாநில முதல்வர்களும் கலந்து கொள்ள உள்ளனர். முதல்வர்கள் மாநாட்டில் பங்கேற்க தமிழக முதல்வர் ஜெயலலிதா இன்று காலை 6 மணிக்கு விமானம் மூலம் டெல்லி சென்றுள்ளார். அவருடன் தலைமைச் செயலாளர் தேபேந்திர நாத் சாரங்கி உள்ளிட்ட அதிகாரிகள் சென்றுள்ளனர். ஒரு நாள் பயணமாக டெல்லி சென்றுள்ள தமிழக முதல்வர் ஜெயலலிதா இன்று மாலையே தமிழகம் திரும்புவார் என்று தெரிகிறது. மேற்கு வங்க முதல்வர் மம்தா பானர்ஜி இம்மாநாட்டில் பங்கேற்க மாட்டார் என அறிவிக்கப்பட்டுள்ளது.